مش كده ولا إيه؟!

مش كده ولا إيه؟!

بقلم : أحمد شوبير

مش كده ولا إيه؟!

14 مارس | 05:24 م

اتحاد الكرة.. سيبقى وكلنا سنرحل

الأهلي.. يوم الامتحان يكرم المجلس أو يهان


الزمالك.. أخيرًا "سمعنا صوتكو" السكوت أفضل


الإسماعيلي.. قولنها من زمان البلدي يوكل.. مبروك يا قماش


ميدو.. خليك في التحليل فلوسه حلوة أما التدريب فمن غير فلوس ومشاكلة كتير


وليد صلاح الدين.. مشوار إسكندرية شكله مش هيطول


سمير زاهر للمرة الألف صحتك بالدنيا


هاني أبوريدة.. مش عارف بتقدم تنازلات ليه ولمين طريقك سالك ومالكش منافسين


عصام عبدالفتاح رغم أن اللائحة تسمح إلا ضميرك كان يجب أن يمنع.. تعليقًا على الجمع بين منصبين وزير الجنة الحكام بالإمارات وعضو مجلس اتحاد الكرة

السيد الوزير خالد عبد العزيز.. مبروك يا جدو


التحية ديه واجبة بمناسبة الحفيد عز الدين


حسن حمدي مبروك مقدمًا!! 


كوبر.. استعد إما لتجديد الإقامة أو نقولك "مع السلامة" في انتظار مباراتي نيجيريا في تصفيا أمم إفريقيا


ماكليش.. واضح إنه زوجتك بنت بلد وجدعة.. الزملكاوية نفسهم تبقى جدع وتكسب الدوري


مارتن يول.. الوردة الحمرا قربتك من جمهور الأهلي درع الدوري يكسبك كل جماهير الأهلي


مارتن يول.. جماهير الأهلي تعملك تمثال لو روحت بيهم اليابان


غزل المحلة.. يا بخت من زار وخفف كان شعاركم في الدوري السنة ديه


حرس الحدود.. خسارة تاريخ اتصنع في وقت قليل وانتهى في وقت أقل


اتحاد الشرطة.. واضح انكم ما استفدتوش من كمين الداخلية مع أنكم هيئة واحدة


طنطا.. كنتوا على أعتاب الدوري الممتاز سنتين وضيعتوا الفرصة السنة ديه لو ضيعتوها أحسن تقفلوها


بعض السادة المعلقين حرام كفاية مش كدا ولا ايه


السادة المخرجون بعض المسئولين صورهم بتيجي في المباريات أكثر من اللاعبين ده اسمه ايه